ප්ලූටෝගේ නවතම ඡායාරූප නාසා මගින්
හැමෝටම සුබම සුබ උදෑසනක් !!!
පසුගිය වසර නවය පුරා සෞරග්‍රහ මණ්ඩලය වටා ගමන් ගත් අභ්‍යවකාශ යානයක් ප්ලූටෝ ග්‍රහයා ආසන්නයෙන් ගමන් ගනිමින් දත්ත එක්රැස් කරමින් සිටියි.
යානය ප්ලූටෝ වෙත ළඟා වූයේ පෘථිවියේ සිට කිලෝමීටර් කෝටි පන්සීයකට ආසන්න අභ්‍යවකාශ චාරිකාවක යෙදීමෙන් අනතුරුවයි.
යානය ඔස්සේ ලැබුණු ප්ලූටෝ ග්රහයාගේ ඡායාරූප පිළිබඳ විස්තර කරමින් අභ්‍යවකාශ මෙහෙයුමේ ප්‍රධාන පර්යේෂක ඇලන් ස්ටර්න් කියා සිටියේ ‘නොයෙකුත් ආකාරයේ දීප්තිමත් කලාප ඔබට දැකිය හැකියි.
'එහි සමකයට ආසන්නයෙන් ඉතා කළු පැහැති කලාප තිබෙනවා. තුනී හෝ අඩු පීඩනයකින් යුත් නයිට්‍රිජන් සහිත වායු ගෝලයක් එහි තිබිය යුතුයි’ ඇලන් ස්ටර්න් පවසයි.
ප්ලූටෝ වෙත සමීප වි නිව් හොරයිසන් අභ්‍යාවකාශ යානයෙන් ලබාගත් ඡායාරූප රැසක් නාසා ආයතනය මාධ්‍යයට නිකුත් කැර ඇත. මේ ඡායාරූප මගින් ප්ලූටෝ ග්රහයාගේ මතුපිට ස්ථරයේ ස්වභාවය පැහැදිලිව දක්නට ලැබෙන බව ද නාසා ආයතනය පවසයි.
කදු ශිඛර, ආවාට හා අයිස් එහි දක්නට ලැබෙයි. මේ ඡායාරූප ප්ලූටෝ පිළිබද ඉතා වැදගත් දත්ත රැසක් අනාවරණය කරන බව ද නාසා ආයතනය පෙන්වා දෙයි.
(අන්තර්ජාලයෙනි.)
0 comments: